Новая версия сайта

В результате того, что газеты и телевидение не всегда своевременно отзываются на реальные потребности общества, мы приходим к ситуации, при которой народ слабо информирован о своих возможностях.  А это корень многих проблем.
наука Печать
09 Февраля 2012 года, 19:52

Өрөспүүбүлүкэ Президенэ эдэр учуонайдарга граннары туттарда

Олунньу ыйын 8 күнүгэр Егор Борисов Россиятааҕы наука күнүгэр анаммыт  Саха Өрөспүүбүлүкэтин правительствотын уонна научнай-педагогическай общественноһын үөрүүлээх түмсүүтүгэр кытынна.

Президен эҕэрдэ тылыгар наукаҕа үлэлиир холбоһук өрөспүүбүлүкэ социальнай-экономическай сайдыытын соруктарын толорууга улахан суолталааҕын бэлиэтээтэ. Саха сирин аҕа баһылыга учуонайдары идэлэрин бырааһынньыгынан эҕэрдэлээтэ уонна уустук эрээри, умсугутуулаах үлэлэригэр ситиһиилэри баҕарда. Егор Борисов  бу тэрээһин – наука бэрэстэбиитэллэрин кытта көрсүһүүлэрин түмүктүүрүн иһитиннэрдэ. Санатан эттэххэ, олунньу 2 күнүгэр Президен өрөспүүбүлүкэ тутаах учуонайдарын кытта киэҥ ис хоһоонноох кэпсэтиини ыыппыта, онно бүгүн баар уустуктар, наука, былаас уонна оҥорон таһаарыы үлэлэһиилэрин боппуруостара ымпыктаан-чымпыктаан көрүллүбүттэрэ. Ити кэнниттэн, олунньу 6 күнүгэр, Егор Борисов Саха сирин эдэр учуонайдарын актыыбын кытта көрсүбүтэ.
“Биһиэхэ науканан дьарыктанар дьоҕурдаах эдэр дьон элбээн иһэриттэн үөрэбин. Кинилэр үрдүк сыалы туруорунан эппиэтинэстээхтик, күүскэ ылсан үлэлии сылдьаллар. Биир сүбэнэн, кыахпытын холбоон, өрөспүүбүлүкэ научнай-техническэй элитатын саҥаттан үөскэтэр соруктаахпыт”, – диэн эттэ Егор Борисов. Кини Саха сирин бары учуонайдарын өрөспүүбүлүкэ сайдарын туһугар сомоҕолоһон үлэлииргэ ыҥырда.
Саха Өрөспүүбүлүкэтин инновационнай политикаҕа уонна наукаҕа Государственнай комитетын бэрэссэдээтэлэ Максим Трофимов эҕэрдэ тылыгар Россиятааҕы наука күнэ – наука дьыалатыгар-куолутугар общественнос болҕомтотун тардарга кыах биэрэрин бэлиэтээтэ. Кини этэринэн, билиҥҥи үйэҕэ учуонай тахсыылаах бизнесмен буолуохтаах, ол инниттэн инники мунньуллубут билиини-көрүүнү оҥорон таһаарыыга туһаныы ирдэниллэр.
РНА СС Саха сиринээҕи наукаҕа киинин президиумун бэрэссэдээтэлин эбээһинэһин толорооччу Александр Сафронов кэлиҥҥи сылларга өрөспүүбүлүкэҕэ академическай науканы улаханнык өйөөбүттэрин эттэ. Ол биир туоһутунан наука күнүн өрөспүүбүлүкэ сүрүн саалатыгар бэлиэтээһин үтүө үгэскэ кубулуйбута буолар.
Салгыы бэйэлэрин биир идэлээхтэрин Саха Өрөспүүбүлүкэтин наукаҕа Академиятын президенэ Игорь Колодезников, РНА СС Саха сиринээҕи наукаҕа киинин эдэр учуонайдарын уонна специалистарын Сэбиэтин бэрэссэдээтэлэ Иван Христофоров, Ил Түмэн бэрэссэдээтэлин солбуйааччыта Александр Жирков эҕэрдэлээтилэр.
Үөрүүлээх түмсүү наука араас салаатыгар  уонна хайысхаларыгар ситиһиилээхтэргэ  государственнай наҕараадалары уонна Саха Өрөспүүбүлүкэтин Президенин граннарын туттарыынан түмүктэннэ. Граннары сүүрбэччэкэ бырайыактар ааптардара туттулар.

◄ Вернуться назад ▲ Наверх