Мы должны все время думать о совершенствовании республиканской системы льгот, о персонификации каждого льготника. Без этого мы не сможем осуществить столь необходимые качественные преобразования в сфере ЖКХ, транспорта, медицины, образования, социального обеспечения, санаторно-курортного обслуживания |
| Мунньах |
 |
| 27 Сентября 2012 года, 15:42 |
|
Егор Борисов быһа охсуһар субсидирование уустугун бүтэһиктээхтик быһаарары туруорсар
Мунньахха Дальнай Восток өрөгүйүөннэрин былааһын толорооччу уонна сокуону оҥорор уорганнарын салайааччылара, Дальнай Восток федеральнай уокуругар РФ Президенин Болномуочуйалаах бэрэстэбиитэлин аппараатын, итиэннэ Дальнай Востогу сайыннарыыга федеральнай министиэристибэ эппиэттээх үлэһиттэрэ уонна ыҥырыылаах дьон кытыннылар. Мунньаҕы ДФУо РФ Президенин Болномуочуйалаах бэрэстэбиитэлэ, Дальнай Востогу сайыннарыыга миниистир Виктор Ишаев иилээн-саҕалаан ыытта. Мунньах үөрүүлээх түгэнтэн саҕаланна. Виктор Ишаев өрөгүйүөннэр тахсыылаах үлэлээх баһылыктарыгар уонна мунньах кыттыылаахтарыгар Россия Федерациятын Президенин наҕараадаларын туттарда. Ол курдук, Саха Өрөспүүбүлүкэтин Президенэ Егор Борисов Россия Федерациятын Президенин быыбардыыр хампаанньаҕа көхтөөхтүк кыттыбытын иһин дойду аҕа баһылыгын Махталын тутта.  Дальнай Восток энергетикатын сайыннарыыга анаммыт бастакы боппуруоска Егор Борисов баараҕай бырайыактары таһынан уһулуччу болҕомтону бүгүҥҥү күҥҥэ элбэх уустуктардаах локальнай энергетиканы сайыннарыыга уурарга этии киллэрдэ.Саха сирин баһылыга этэринэн, дойду энергетикаҕа министиэристибэтэ Дальнай Восток энергетикаҕа салаатын сайыннарыы боппуруостарын кимиилээхтик, көхтөөхтүк туруорсуохтаах уонна Россия бырабыыталыстыбатыгар илиҥҥи өрөгүйүөннэргэ энергетиканы сайыннарыыга чопчу этиилэри киллэриэхтээх. Итини таһынан Егор Борисов энергетикаҕа быһа охсуһар субсидирование уустугун быһаарар туһунан боппуруоһу көтөхтө. Өрөспүүбүлүкэ баһылыга локальнай энергетика ороскуоттарын быһа охсуһар субсидиялааһын түмүгэр уоннааҕы уоту туһанааччылар сылга 4 миллиард солкуобай кээмэйдээх эбии ороскуоту сүгэллэрин бэлиэтээтэ. Егор Борисов саныырынан, бу уустугу сорох чунуобунньуктар курдук көрбөтөҕө буолар табыллыбат, боппуруоһу быһаарыыны түмүгэр тиэрдэр сөптөөх. Мунньахха көрүллүбүт иккис улахан уонна уустук боппуруоһунан Дальнай Восток өрөгүйүөннэригэр 2012-2013 сыллардааҕы кыстыкка бэлэмнэнии буолла.  Егор Борисов ситиһиллибит түмүктэргэ тохтообокко, мунньах кыттааччыларыгар быйыл кыһыҥҥы кэмҥэ бэлэмнэниигэ тахсыбыт уустуктары иһитиннэрдэ. Ол курдук, өрөспүүбүлүкэ баһылыга көмүскэнии министиэристибэтин бэрэстэбиитэллэрин болҕомтотун бүгүн 188 ыал хаалан, олохсуйан олорор уруккута байыаннай Тикси-3 куорат олоҕун-дьаһаҕын хааччыйыыга түргэн миэрэлэри ылынар сатанарыгар тарта.Саха сирин Президенэ ыйбыт өссө биир уустугунан – уматык саппааһын сыанатын үрдээһинэ буолар. Егор Борисов этэринэн, бу сыалга өрөспүүбүлүкэ бюджетын быйылгы сыллааҕы эрэ эбии ороскуота 1.722 мөл. солкуобайга тэҥнэспит. Маны таһынан өрөспүүбүлүкэ баһылыга кыһыҥҥыга бэлэмнэниигэ сыһыаннаах атын кэккэ уустуктары иһитиннэрдэ: ол дьиэ-уот коммунальнай комплексын тэрилтэлэрин кредиторскай иэстэрэ, Дьааҥы улууһугар уматыгы тиэрдиигэ тахсыбыт уустук балаһыанньа, Индигир өрүһүнэн устар ааллары аһардыы уустуктара. Егор Афанасьевич бу уустуктар өрөспүүбүлүкэ салалтатыгар быһаарыллыбат боппуруос буолбатахтарын бэлиэтээтэ. Кыһыҥҥыга бэлэмнэниигэ араас уустуктар сыл аайы үөскүүллэр, Саха сиригэр олору туоратыыга көдьүүстээх ньымалар толкуйдаммыттара ыраатта. |
